Brenda çantës së tij termike ishte një mumje e lashtë. Burri tha se ai ka ndarë dhomën e tij me mumjen e fashuar dhe e konsideronte atë “një lloj e dashure shpirtërore”.

Eshtrat i kishte futur në çantë për t’ua treguar miqve të tij, tha ai.

Ai ka shpjeguar se “Juanitën”, siç i kishte vënë nofkën mumisë, e ka mbajtur në një kuti në dhomën e tij, pranë televizorit. Ai shtoi se ishte në pronësi të babait të tij.

Ekspertët thanë se trupi ishte midis 600 dhe 800 vjeç dhe se ishte i një mashkulli të rritur dhe jo një gruaje, siç kishte supozuar burri që u zbulua me të. Mashkulli i mumifikuar vlerësohet të ketë qenë më shumë se 45 vjeç në kohën e vdekjes së tij dhe 1.51 m i gjatë.

Policia ka sekuestruar mumjen e mbajtur në çantën termike dhe ia ka dorëzuar ministrisë së kulturës të Perusë, e cila kujdeset për trashëgiminë e vendit.

Burri që po transportonte dhe dy miqtë e tij, të cilët janë nga 23 deri në 26 vjeç, u arrestuan dhe po hetohen për krime të mundshme kundër trashëgimisë kulturore të Perusë.

Top Channel